Tuesday 30 August 2011

ನಿನಗೆ ...

ಹದವ ಮರೆತಿದೆ ಹೃದಯ,
ಬದಲಾಗಿ ಬಿಟ್ಟಿದೆ ಬದುಕು,
ಸಮಯ ಉರುಳಿದೆ ತಿಳಿಯದೇ.
ಸಾವಿರ ’ಜಿಬಿ’ಯ ಮೆದುಳ ತುಂಬ,
ನಿನ್ನ ನೆನಪಿನದೇ ಕಾರುಬಾರು.  
ಏನ ಮಾಡಲಿ ನಾ,ಎಲ್ಲಿ ಹೋಗಲಿ,
ಎಲ್ಲ ನಿನ್ನದೇ, ನನ್ನದೆಲ್ಲಾ, ಎಲ್ಲವೂ.

ಹೆಸರಲ್ಲೇ ಖುಷಿಯಿದೆ ರವ*ದಿ,
ಉಸಿರಲ್ಲೇ ಬೆರೆತಿದೆ ಮುದದಿ.
ಬರೆದಾಗಿದೆ ನನ್ನಯ ಭವಿತ ;
ಸಾವಿರ ಭಾವ ಒಮ್ಮೆಲೆ ಮೂಡಿ,
ನನ್ನೆದೆಯು ಕುಸಿದಿತ್ತಲ್ಲೇ,
ಭೂಮಿ ಭಾರವ ಹೊತ್ತಂತೆ.
ಕಳೆದು ಹೋದ ನನ್ನ ನಾನೇ
ಹುಡುಕಾಡಿದೆ ದಡ ಮುಟ್ಟದಂತೆ. 

ಯಾರು ನೀನೋ, ಏನು ಮಾಯೆಯೋ
ಏನೂ ತಿಳಿಯದಂತೆ, ಏನು ಮೋಡಿ-
ಮಾಡಿದೆಯೋ ಒಂದು ನೋಟದಲ್ಲಿ .
ನಿನಗೆಲ್ಲಿ ಗೊತ್ತು ನನ್ನೆದೆಯ ಪಾಡು,
ಮುಗಿಲು ಮುಟ್ಟಿದೆ ದಿಗಿಲು ಇಲ್ಲಿ. 
ಮರೆವನೇ ಮರೆಯುವ  ತರಹದಿ 
ಮಾಡಿ ಬಿಟ್ಟಿತ್ತು ನಿನ್ನ ನೆನಪಲೀಲೆ.

*ರವ = ಶಬ್ದ 

3 comments:

  1. sakkat bardyo.....
    tiliyitu nanage ninu kavi endu..,
    kaaturavu manake e kaviteya moola enendu..,

    tilisuveya...geleya...,
    ninna e savi hanigavanada spoorti
    prachodane yaarendu...?????!!!!!!!!!!!!!!!!

    ReplyDelete
  2. Nice one ! Could you put out the rough translations in English ?? Or shall I do them :) ;)

    ReplyDelete
  3. @anonymous anusha , ಕೆಲವೊಂದನ್ನು ಹೇಳದೇ ಉಳಿದರೇ ಮಾಧುರ್ಯ ಹೆಚ್ಚು. ಹೇಗೆ ಗಂಡಸಿನ ಸಂಬಳ, ಹೆಂಗಸಿನ ವಯಸ್ಸು ಕೇಳಬಾರದೋ ಹಾಗೆ ಕವಿಯ ಭಾವದ ಮೂಲವೂ ವ್ಯಕ್ತವಾಗದೇ ಹೋದರೇ ಒಳ್ಳೆಯದೇನೋ. ಕಮೆಂಟ್ ಮಾಡಿದ್ದಕ್ಕೆ,ಪ್ರೋತ್ಸಾಹ ಕೊಟ್ಟಿದ್ದಕ್ಕೆ ಧನ್ಯವಾದಗಳು.

    @silent watcher , ಮೇಲ್ ಮಾಡಿದ್ದೇನೆ ನೋಡಿ, ಭಾಷಾಂತರವನ್ನು.

    ReplyDelete